نافذة مصر
والفجر أدّن عالمنصّة فى وقته مظبوط بالتمام
والشيخ صلاح عمّال ينادى
يا أخواننا أصحوا م الخيام
يا اخواننا اصحوا م الخيام
ياخواننا يلا الفجر أدّن .. وانتو لسّاكم نيام
يا اخواننا اصحوا م الخيام
والشيخ يبص وراه ويقولى
ما حد جِه غيرك يا إبنى
الأخوة فين ؟ فين النساء ؟
هنادى تانى ع المنصّه وروح يلا ناديهم انت
واروح وانادى
يا أخوانى فينكو
أخواتى فين
وامشى لآخر الطيران هنااااااااااك
طب طيبه مول
وارجع لحد النصب تانى
ياخواننا فينكم
ع الشروق فاضل ثوانى
بالله تعالوا ... كفاية حيره
معقول تكونوا كلكم رُحتم مسيرة ؟
يا اخواننا يلا الشيخ بيكبّر للصلاة
رجعت تانى للمنصة
يا شيخ صلاح .. مش لاقي حد !
والله بتكلم بجد .. مش لاقي حد !
يا شيخ صلاح .. حضرتك سامع كلامى ؟
يا شيـ...
ولقيتنى صاحي م المنام ..
بصيت فى ساعتى .. لقيته وقت الفجر مظبوط بالتمام..
صليت لوحدى ..
واخوانى صلوا فى السما .. روحهم هناااااااااك
وهم لساهم نيام
ليست هناك تعليقات:
إرسال تعليق