نافذة مصر
بفضل من الله ونعمة ... بعد قلق دام قرابة الأسبوع وبعد اختطاف 32 بطل حرا من أسرى الحرية وأبطال معركة الأمعاء الخاوية في سجن طنطا واقتيادهم لمكان مجهول ومنع أي معلومات عنهم طوال المدة الماضية
أخيرا أكرمني الله برؤية أخي الأسير البطل الحر مهند الاودن واخوانه الاحرار الاخرين من ابطال مجموعة ال32 اساتذتي واحبابي (د/حازم السعيد - د/محمد السبع - ا/زكريا رمضان - م/مسعد قطب)
بفضل من ربنا شفتهم ... صحيح هما كان باين عليهم التعب والارهاق وكانت ريحه بقهم تدل على انهم صايمين +انهم مضربين
صحيح كانوا فعلا خاسيين جدا جدا ومش هبالغ ان قلت انه يمكن كل واحد فيهم خسر من وزنه من يوم ما بدأوا الاضراب اقل من 10 كيلو ... صحيح كان لون وشهم اصفر بجد ... لكن كانوا صامدين وشامخين ... كانوا مبتسمين ابتسامة المنتصر (مش الي لسه مستني النصر) ... صمود الجبال فعلا ...
مهند قالي انهم مستمرين في الاضراب حتى يقضي الله امرا كان مفعولا (احدى الحسنيين)
مهند واخوانه بيوصلولكوا السلام وبيقولوكوا انهم صامدين ومستمرين في الاضراب وبيطلبوا منكوا الدعاء لهم
مهند واخوانه بيشكروا كل الي ساهم بنشر قضيتهم وقضية اخوانهم الاسرى الاحرار المضربين
مهند حكالي على الي حصلهم في سجن طنطا قبل ترحيلهم وحفلة التعذيب الي تمت هناك على ايد ظباط اوساخ عارفينهم بالاسم وسندعوا عليهم في جوف الليل
مهند حكالي كمان قد ايه سجانييهم كانوا خايفين منهم ومرعوبين منهم رغم ان المفروض السجان هو الي في ايده السلاح والبطش لكن ارادة ربنا انه يلقي في قلوبهم الرعب من السجناء الاحرار العزل الي لا يملكوا من امرهم شئ يقاوموا بيه الا انهم يضربوا عن الطعام ومع ذلك هزوا دولة الاحتلال العسكري
مهند حكالي عن انهم دلوقتي محبوسين في زنازين انفرادي مساحة الزنزانه 1.5 * 1.5 تشمل الحمام (يعني تقريبا هما محبوسين في حمامات مش زنازين) وانهم لا يملكوا غير مرتبه ومخده واللبس الي عليهم من يوم ما اختطفوا
مهند واخوانه محطوطين دلوقتي في سجن شديد الحراسة في سجن الجمصة العمومي ومتقسمين لمجموعتين ... مجموعة حاطينهم في زنازين التأديب الانفرادي ومجموعة حاطينهم في زنازين الاعدام (قال يعني بيخوفوهم)
مهند واخوانه بيقولوكوا انهم لازم يكملوا في الاضراب ولازم احنا بره نكمل في فعاليتنا السلمية لانهاء الاحتلال العسكري لأن (الي ما يقدرش يضحي عشان يشيل هم دعوته ... يبقى ما يشرفهاش انه يكون منها)
ليست هناك تعليقات:
إرسال تعليق