نافذة مصر
دعا نشطاء على موقع التواصل الاجتماعي "فيسبوك" إلى العصيان المدني ضد العسكر بداية من الأحد 22 سبتمبر الجاري، ضمن الفعاليات المستمرة لكسر وإسقاط الانقلاب العسكري.
وقال النشطاء في ايفنت نشر على الموقع تحت عنوان "القاهرة خارج الخدمة ضد الانقلاب 22 سبتمبر":
"22 سبتمبر يوم سيخلد في التاريخ ضد الإنقلاب
عصيـــــان مــــدني
هنخرج كلنا لأن اللي بيحصل ده زاد عن حده .. لأن مطالبنا متحققتش .. لأن الإنقلاب الدموي مش هيسيب حد في حاله
هنخرج لأن مفيش لا عيش ولا حرية ولا كرامة إنسانية ..
العيش بيقل، الحرية بتتقيد والكرامة بتهان
جرايم العسكر بتزيد يوم بعد يوم وحكم الفلول بيرجع تاني
كفاية!
22 سبتمبر ضربة شديدة للإنقلاب!
هنعمل أيه ؟
كل واحد هينزل من بيته بعربيته ويلف بيها في الشوارع من الساعة 8 صباحاً للساعة 11 ..
أماكن التحرك :
أهالي مدينة نصر والعروبة هياخدوا طريق كوبري أكتوبر للمهندسين
أهالي الدقي والمهندسين هياخدوا طريق كوبري أكتوبر لصلاح سالم
أهالي 6 أكتوبر والشيخ زايد هياخدوا طريق المحور للزمالك
أهالي القلعة والمقطم والعباسية في طريق صلاح سالم
أهالي التجمع والدائري والمنيب أتفسح علي الدائري
أهالي شارع الهرم وفيصل والجيزة في شوارعهم الرئيسية
أهالي جاردن سيتي والمنيل والملك الصالح ودار السلام والمعادي وحلوان يطلعوا علي الكورنيش لبعد التحرير
أهالي شبرا وروض الفرج الكورنيش قبل التحرير
بنها وطوخ وقوسينا علي طريق إسكندرية الزراعي
وكل المحافظات علي طرق السفر إلي القاهرة
سوق بهدوء وخد صاحبك معاك وبلاش تخلي في أي علامة مميزة علي عربيتك
ليس تخريباً فعجلة الإنتاج أول من أوقفها هو الإنقلاب
الأحد 22 سبتمبر ضربة موجعة لقمع العسكر
#القاهرة_خارج_الخدمة".
يذكر أن تلك الدعوات تتزامن مع دعوات أخرى لإضاءة الأنوار في المنازل واعتصام المترو في فعاليات متوالية لإسقاط الانقلاب العسكري.
ليست هناك تعليقات:
إرسال تعليق