نافذة مصر
مش هقول ابدا .. ان رجالة الحركات الثورية بتصدر البنات في مقدمة المظاهرات ..وأمصمص شفايفي وابكي علي الرجولة.
مش هقول أبدا.. ايه اللي طلع البنات دي من بيوتهم ..لو قعدوا في بيوتهم محترمين مكنش الامن اعتقلهم والبلطجية اتحرشوا بهم
مش هقول ابدا...يجب محاكمة قيادات الحركات الثورية لانهم بيستغوا البنات ويتم الزج بهم لتحقيق مكاسب سياسية.
مش هقول ابدا..ان البنات دي بتاعة "نكاح الجهاد" لتثبيت الشباب الثوري
عارفين ليه... لان البنات دي بمليون راجل خذل القضية والوطن والدين... ولان الافتراءات الوسخة دي أكتر حاجة وجعتنا.. ولان مشاركة البنات في المظاهرات حق لكل مصرية وهي شريكة في الحقوق والواجبات السياسية.
ولكن اللي لازم أقوله دلوقتي بكل فخر وشرف...أن الفتيات والزهرات والنساء وكل حرائر الدفاع عن الشرعية هن أطهر نساء الدنيا وأشجعهن..ولابد أن اقدم لهن الشكر والامتنان والتقدير...تجية لكل المعتقلات في سجون الانقلاب وللصامدات في ميادين الثورة يوميا..وللمصابات في مذابح الطاغية..وللشهيدات اللاتي قدمن دماؤهن فداءا للدين والوطن والشعب.
ليست هناك تعليقات:
إرسال تعليق