ياسر نجم : آن أوان القضاء على كل أكاذيبهم ... الان يجب ان ينزل كل الاحرار الى الشوارع

تصريحات وأقوال

ياسر نجم

سواء أعلنوا نسب المشاركة الحقيقية أو زوروها..سواء مدوا التصويت يوم أو أسبوع...سواء السيسي نجح كده كده أو هايعملوا لعبة احنا مش عارفينها..كل الطرق تؤدى لسكة واحدة:

لازم تصعيد غير مسبوق للحشد فى الشارع والآليات الثورية بما فيها العصيان المدنى فى الأيام القادمة...

التوقيت مثالى وجاى من عند ربنا ومن حيث لا نتوقع...

وهم فى قمة احباطهم وقوات الإنقلاب فى قمة الإنهاك...

عرفوا حجمهم..والشعب عرف حجمهم والعالم عرف حجمهم...

وآن الأوان ان أعداد معارضى الإنقلاب تنزل بتقلها..وهايبان قدام الدنيا كلها الفارق الصارخ بين رواد المسرحية ورافضى الإنقلاب..وهايبان قدام الدنيا كلها الشعب مانزلش الإنتخابات ليه..مش لأى سبب مفبرك...

آن أوان القضاء على كل أكاذيبهم...

آن الأوان انهم يحرموا يدعوا انهم الشعب وانهم المتحدثين باسم الشعب تاني..

آن الأوان اننا نوثق ونثبت رسمى أن المسألة مش مسألة آخوان..وان معارضى الإنقلاب مش بس الإخوان..

وان المسألة مسألة شعب اتهان..وأصواته اترمت فى الزبالة المرة بعد المرة..وعلشان كده مش نازل تانى يمرمط كرامته وارادته تحت البيادة...

مشاهد الولولة بتاعة الإعلاميين والنخب...مشاهد اللجان الخاوية..مشاهد خزى وعار الإنقلابيين لا ينقصها إلا مشهد واحد كبير..

مشهد شباب مصر اللى مانزلش الانتخابات..وهو نازل بمئات الآلاف فى كل الميادين...رابعة والنهضة والتحرير والإتحادية ومسجد القائد ابراهيم وميدان الأربعين..وفى كل المحافظات..

وفى نفس الأيام دى..وأى رد فعل للإنقلابيين أيا كان هايبقى وبال عليهم...

وماتسألش اللى جنبك عايز ايه ولا مين وشايل يافطة مكتوب عليها ايه وعليها صورة مين...

دى فرصة تاريخية لتحقيق أكبر مكسب ماتحققش على مدى الشهور اللى فاتت كلها